Бұл Жадынама – сыбайлас жемқорлық ұғымын, сыбайлас жемқорлық фактілері орын алған жағдайдағы іс-әрекеттер тәртібін, сыбайлас жемқорлық құқық бұзушылықтарды жасағаны және сыбайлас жемқорлық әрекеттерге көмектескені үшін құқықтық жауапкершілік дәрежесін нақты түсіндіру мақсатында әзірленді. Жадынама, ең алдымен, параны ұят және масқара қылмыс деп санайтындардың барлығына арналған; алаяқтар мен қаскүнемдердің серіктесі болғысы келмейтіндер; парақорлардың қара тайпасы пайда болмас үшін өзінің бір сәттік мүдделерінен бас тартуға дайын; өз елін ұрылар мен жемқорлардың үстемдігінен бос көргісі келетіндер.
«Сыбайлас жемқорлыққа қарсы күрес туралы» Қазақстан Республикасы Заңының 6 бабына сәйкес барлық мемлекеттік органдар мен лауазымды адамдар өз құзыреті шегінде сыбайлас жемқорлыққа қарсы күрес жүргізуге міндетті. Мемлекеттік органдардың басшылары, оның ішінде әскери бөлімдердің командирлері (бастықтары) өз өкілеттіктері шегінде «Сыбайлас жемқорлыққа қарсы күрес туралы» Заң талаптарының орындалуын қамтамасыз етуге міндетті.
Қазақстан Республикасының 1998 жылғы 2 шілдедегі «Сыбайлас жемқорлыққа қарсы күрес туралы» Заңына сәйкес сыбайлас жемқорлықты ресми түсіндіру былайша жазылады: Сыбайлас жемқорлық – бұл мемлекеттік міндеттерді атқаратын адамдардың, сондай-ақ соларға теңестірілген адамдардың лауазымдық өкілеттігін және соған байланысты мүмкіндіктерін пайдалана отырып не мүліктік пайда алу үшін олардың өз өкілеттіктерін өзгеше пайдалануы, жеке өзі немесе делдалдар арқылы заңда көзделмеген мүліктік игіліктер мен артықшылықтар алуы, сол сияқты бұл адамдарға жеке және заңды тұлғалардың аталған игіліктер мен артықшылықтарды құқыққа қарсы беруі арқылы оларды сатып алуы.
Сыбайлас жемқорлық құқық бұзушылық – бұл «Сыбайлас жемқорлыққа қарсы күрес туралы» ҚР Заңында, сондай-ақ өзге де заңдарда көзделген, заңдарда белгіленген тәртіптік, әкімшілік және қылмыстық жауаптылыққа әкеп соғатын сыбайлас жемқорлықпен жымдасқан немесе сыбайлас жемқорлыққа жағдай туғызатын іс-әрекет.
Егер сізге пара ұсынылса немесе сізден пара талап етсе! Қазақстан Республикасының Қылмыстық кодексінде парамен байланысты қылмыстың екі түрі қарастырылған: – пара алу (311-бап); – пара беру (312-бап). Бұл бір қылмыстық монетаның екі жағы: егер біз пара туралы айтатын болсақ, онда пара алатын (пара алушы) және оны беретін адам (пара беруші) бар деген сөз.
Пара алу қызметтің ең қауіпті қылмыстарының бірі болып табылады, әсіресе егер оны адамдар тобы жасаса немесе қорқытып алумен қатар жүрсе, ол лауазымды адамның заңды немесе заңсыз әрекеттері (әрекетсіздігі) үшін артықшылықтар мен жеңілдіктер алуынан тұрады. Пара беру – бұл лауазымды тұлғаны заңды немесе заңсыз іс-әрекеттерді (әрекетсіздікті) жасауға немесе оны берушінің пайдасына қандай-да бір артықшылықтар беруге немесе алуға, оның ішінде жалпы қамқорлығы немесе жұмыстағы келісімге көндіруге бағытталған қылмыс.