Жаяу Муса атындағы Ақсу жоғары көпсалалы колледжінің бөлім меңгерушілері № 7 орта мектепте болды. Кездесу кәсіби бағдар беру жұмысы аясында өтті.
Оқушыларға колледж туралы, оқуға қабылдау шарттары мен мамандықтар бойынша білім алу мүмкіндіктері жөнінде ақпарат берілді. Сонымен қатар, түлектер оқуын аяқтағаннан кейін немен айналысатыны және болашақ жолды таңдауда нені ескеру қажет екені талқыланды.
Негізгі назар «қайда түсуге» емес, кім болу және не үшін деген сұрақтарға аударылды. Мақсат — мамандықты кездейсоқ емес, саналы түрде таңдау.
Колледж ұжымы мектеп оқушыларын кәсіптік білім беру мүмкіндіктерімен таныстыруды жалғастырып, олардың болашаққа сенімді әрі артық күйзеліссіз қадам жасауына қолдау көрсетуде.
