20 қыркүйек күні Жаяу Мұса атындағы Ақсу жоғары көпсалалы колледжінің ұжымы туған қаламыздың ажарын аша түсуге бағытталған қалалық сенбілікке жұмыла атсалысты.
Ұстаздар мен студенттер, сондай-ақ көмекші және техникалық қызметкерлер бір жағадан бас, бір жеңнен қол шығара отырып, қоршаған ортаны тазартуға, көгалдандыруға өздерінің ыстық ықыласы мен адал еңбегін қосты.
Бұл игі шара ұжымның ұйымшылдығын айқындап қана қоймай, жас ұрпақтың жүрегіне туған жерге деген сүйіспеншілік пен табиғатқа деген құрметті дарытудың жарқын үлгісі болды.
и