«Ардагерлерге сыйлық!» – осындай атаумен Наурыз мерекесіне орай үш күнге созылған шара барысында «Жаяу Мұса» атындағы АЖКК әкімшілігі мен кәсіподағы колледж ардагерлеріне азық-түлік жиынтықтарын жеткізді.
Қарттарды көктем мерекесімен мекеме басшысының м.а. С. У. Алекпарова мен колледждің кәсіподақ төрайымы А. Б. Смағұлова құттықтады.
Айта кеткен жөн, мерекелік сыйлықтарды колледждің қалыптасуы мен дамуына елеулі үлес қосқан 66 қарт адам алды. Олардың әрқайсысы белгілі бір уақытта біздің оқу орнымызға тарихи із қалдырған жандар. Бүгінгі күні де жас педагогтарға рухани құндылықтарды беріп, кәсіби және өмірлік тәжірибелердің даналығына үйретуде үлгі болып отыр. Көнекөз зиялы қауым өкілдерімен жүздесу жүректерге жылулық сыйлады.
Жалпы, акция Қазақстан Республикасы Тәуелсіздігінің 30 жылдығына арналған «Игі істер марафоны» жалпыұлттық жобасы аясында өтті.