Жаяу Мұса атындағы Ақсу жоғары көпсалалы колледжінде «Отбасы мен колледж: тәрбие мен дамудың біртұтас кеңістігі» тақырыбында ата-аналар жиналысы өтті.
Жиналысты колледж директоры К.Т. Смағұлов ашып, жастарды жан-жақты дамыған әрі жауапкершілігі жоғары тұлға етіп қалыптастыруда педагогтар мен ата-аналардың бірлескен жұмысының маңыздылығын атап өтті.
Күн тәртібінде білім беру және тәрбие үдерісінің маңызды мәселелері қаралды. Колледждің оқу ісі жөніндегі орынбасары А.З. Әбілшаиқова оқу үдерісінің жай-күйі мен келешегі туралы баяндама жасады. Ал тәрбие ісі жөніндегі орынбасары А.Б. Мұсатова-Албот қолайлы білім беру және тәрбие ортасын құру мәселесін қозғады.
Кәмелетке толмағандар арасындағы құқықбұзушылықтың алдын алу мәселелері де талқыланды. Полиция майоры А.К. Тұрсынғалиева допперлік, дропперлік және алаяқтық сынды өзекті проблемаларды атап өтті. Бұл құбылыстардың алдын алуда отбасы, колледж және құқық қорғау органдарының бірлескен жұмысының маңызы ерекше атап өтілді.
Ал жасөспірімдер суицидінің қаупін арттыратын буллинг, жалғыздық, қысым мен депрессия сияқты факторлар туралы колледждің педагог-психологы Л.Б. Жүнісова кеңінен түсіндірді.
Күн тәртібінің соңғы баяндамасын әлеуметтік педагог З.И. Бордубаева жасап, студенттерге әлеуметтік-педагогикалық қолдау көрсету мәселелерін талқылады.
Жиналыс мазмұнды әрі сындарлы жағдайда өтті. Ата-аналар көкейдегі сұрақтарына жауап алып, жас ұрпақты тәрбиелеу ісінде колледж ұжымымен ынтымақтастыққа дайын екендіктерін білдірді.