2-курс Тэу-224 тобының ата-аналар жиналысына колледждің педагог-психологы Жунусова Л.Б. қатысып, ата-аналармен психологиялық қауіпсіздік деңгейін анықтауға арналған Баева И. әдістемесі бойынша диагностика жүргізді.
Іс-шараның мақсаты – ата-аналарды буллинг пен кибербуллингтің ықтимал қауіптері мен салдарымен таныстыра отырып, жасөспірімдер ортасында оның алдын алу бойынша практикалық көмек көрсету.
Кездесу барысында оқушылардың ішкі қажеттіліктерін анықтауға бағытталған «Үй» проективті әдісі қолданылды. Сонымен қатар, ата-аналарға балаға қолдау көрсету, ұлттық құндылықтар мен жеке тұлғалық қасиеттерді дамыту бойынша (салауаттылық, адамдарға құрмет, шындыққа ұмтылу, ашықтық, бірлік пен өзара түсіністік) ұсыныстар мен кеңестер берілді.
Бұл кездесу ата-аналар мен колледж ұжымының бірлесіп жұмыс істеуінің маңыздылығын көрсетті.