Колледжде нашақорлықтың, темекі шегудің және алкоголизмнің алдын алуға арналған денсаулық сағаты өтті.
Іс-шара білім алушылар арасында психоактивті заттарды қолданудың алдын алу бағытындағы тәрбиелік жұмыстар аясында ұйымдастырылды.
Қалалық емхананың наркологиялық кабинетінің мамандары Ш.Т. Бастемиева мен Л.М. Короткова студенттерге алкоголизмнің, заманауи синтетикалық есірткілердің қауіптілігі, «дәріханалық» нашақорлық мәселесі, сондай-ақ психотроптық және есірткі заттарының адам ағзасына тигізетін зиянды әсері туралы көрнекі әрі нанымды түрде баяндады. Сонымен қатар электронды темекілердің денсаулыққа тигізетін кері әсеріне ерекше назар аударылды.
Іс-шара барысында тәрбие жұмысы жөніндегі басшының орынбасары Айжан Мусатова-Албот студенттерге психоактивті заттарды пайдалану, сақтау және тарату салдарынан туындайтын құқықтық жауапкершілік туралы түсіндіріп, қолданыстағы заңнамаға сәйкес мұндай құқықбұзушылықтар үшін әкімшілік және қылмыстық жауапкершілік көзделгенін атап өтті.
Кездесу тақырыптық бейнематериалдарды тамашалау және оларды талқылаумен қорытындыланды.