Жаяу Мұса атындағы Ақсу жоғары көпсалалы колледжінің студенттері — Максим Сорозидинов пен Валерий Кондрушин (Эм-323 тобы) — ERG Skills International-2025 халықаралық байқауында бірінші орындарды иеленді.
Максим «Электрмонтаж» құзыреттілігі бойынша үздік атанса, Валерий — «Өнеркәсіптік автоматика» бағыты бойынша жеңімпаз болды.
Студенттер мен олардың тәлімгер-эксперттерін — Абдрахманова Ж.Т., Елеусизов Р., сондай-ақ бас эксперттер — Граф Л.В. мен Тоқтар Н.А. лайықты жеңісімен шын жүректен құттықтаймыз! Сіздердің еңбектеріңіздің арқасында студенттер тек жоғары деңгейде өнер көрсетіп қана қоймай, кәсіби мамандармен тең дәрежеде бәсекеге түсіп, халықаралық деңгейде мойындала алатынын дәлелдеді.
Байқау 4–6 қараша күндері Жаяу Мұса атындағы колледж базасында өтті. Қазақстан мен Қытайдан келген қатысушылар екі құзыреттілік бойынша сайысты — «Электрмонтаж» және «Өнеркәсіптік автоматика».
«Өнеркәсіптік автоматика» бағыты бойынша 7 қатысушы бақ сынады. Олардың қатарында Шэньси провинциясы колледжінің студенті Кан Мяоюй (ҚХР) да бар. Үш күн ішінде қатысушылар конвейер таспасының сұлбасын жинап, іске қосу, баптау және сынақ жұмыстарын орындады.
«Электрмонтаж» құзыреттілігінде 11 адам сынға түсті. Олардың арасында Шэньси провинциясындағы Энергетика кәсіптік-техникалық колледжінің студенті Хоу Юйхан, сондай-ақ Қостанай, Ақтөбе және Павлодар облыстарынан келген қатысушылар болды. Байқау барысында олар екі модульден тұратын — сорғы және жарық беру жүйесінің схемасын жинап, алгоритм құрастырып, жобаны іске қосты.
Біздің колледж студенттерінің жеңісі — бүкіл өңірдің мақтанышы. Олар мұнда мамандарды нақты өндірістік жұмысқа және халықаралық деңгейдегі табысқа дайындайтынын тағы бір рет дәлелдеді.