2025 жылғы 20 қазан күні гуманитарлық бөлімнің онкүндігі аясында жылы әрі шығармашылыққа толы «Фетрден қиял» атты шеберлік сабағы өтті.
Арнайы пәндер оқытушысы Асель Тасболатқызы Қошумханованың жетекшілігімен «Мектепке дейінгі тәрбие және оқыту» мамандығының 4 курс студенттері Ангелина Малиновская мен Дария Рахметова дуалды оқыту тобының студенттерімен тәжірибе алмасты.
Қатысушылар фетрден түрлі-түсті бұйымдар жасап, идеяларымен бөлісіп, болашақта балалармен жұмыс кезінде қажет болатын қолөнер тәсілдерін үйренді.
Шеберлік сабағы шабытқа, ізгі көңілге және нағыз шығармашылық рухқа толы атмосферада өтті!