Колледжде «Топ жетекшілері» әдістемелік бірлестігінің отырысы өтті. Жиында «Заң және тәртіп» тұжырымдамасын және «DosbolLIKE» антибуллингтік бағдарламасын іске асыру мәселелері талқыланды.
Тәрбие ісі жөніндегі орынбасары Мусатова-Албот А.Б. педагогтарды Антибуллингтік топтың құжаттарымен таныстырып, алдағы уақытта атқарылатын жұмыстардың бағыттары мен жоспарларын ұсынды. Оның ішінде білім алушылардың құқықтық мәдениетін қалыптастыру, жауапкершілік сезімін арттыру және қауіпсіз оқу ортасын құру мәселелеріне баса назар аударылды.
Отырыстың келесі бөлімінде педагог-психолог Жунусова Л.Б. Антибуллингтік бағдарламаның мақсаттары мен міндеттерін таныстырып, буллингтің алдын алу, эмпатияны дамыту және студенттік ұжымдарда жағымды психологиялық ахуал қалыптастыруға бағытталған тренингтік жаттығулар өткізді.
Іс-шара мазмұнды әрі нәтижелі өтті. Қатысушылар пікір алмасып, студенттер арасында құқықтық мәдениетті қалыптастыру мен буллингтің алдын алудағы тиімді тәсілдерді талқылады.