Бүгін колледжде Студенттік парламент Президентінің салтанатты инаугурациясы өтті.
Еске сала кетсек, 29 қазан күні өткен сайлауға төрт үміткер – Гагушкин Владислав, Давыденко Иван, Бекмагамбетова Ильнара және Гембух Злата қатысты. Дауыс беру қорытындысы бойынша Президент болып К-125 топ студенті Гембух Злата сайланды.
Салтанатты шара Мемлекеттік Әнұранымен ашылды. Сайлау нәтижелерімен есеп комиссиясының төрайымы Медетова Амина таныстырды. Одан кейін Злата Гембух салтанатты ант беріп, колледж директоры Смагулов Қайрат Теміржанович Президентке куәлік тапсырып, оған сәттілік пен табыс тіледі.
Іс-шара барысында Студенттік парламенттің жаңа фракцияларының құрамы таныстырылды.
Рәсім жылы лебіздер мен құттықтауларға ұласып, студенттік қауымның бірлігі мен белсенділігіне жігер сыйлады.
Бұл күн – жас көшбасшылардың жаңа белеске қадам басқан, сенім мен үмітке толы ерекше сәті болды.