Наурызнаманың төртінші күні – Мәдениет және ұлттық салт-дәстүр күні. Бұл күн – мәдениет пен салт-дәстүрдің ұлт жанының ажырамас бөлігі екенін еске салатын маңызды сәт.
Бұл күн – мәдениетті, өнерді және ұлттық құндылықтарды дәріптеуге арналған түрлі іс-шаралармен ерекшеленеді.
Осыған орай біздің білім ошағымызда да қазақтың әдет-ғұрпына бағытталған «Салт-дәстүр – асыл қазына» атты іс-шара өткізілді. Мақсаты – білім алушыларға қазақ халқының салт – дәстүрлері мен әдет-ғұрпының тәрбиелік мәнін ұғындыру, шәкірттеріміздің бойына адамгершілік қасиеттерін қалыптастыру, халық өнегесін үйрету.
Іс-шараға С.Дөнентаев атындағы Мәдениет сарайының ««Ақниет халықтық ансамблі» құрамының апалары, оқытушылар және білім алушылар белсене қатысып, керемет өнер көрсетті. Ақ дастархан жайылып, ұлттық тағамдар мен «Наурыз көже» әзірленді.
Іс-шараны ұйымдастырған – Алтынгужинова Ж.Б., Шайзатова А.Б.
Олардың арқасында бұл күн мәдени мұраны сақтау мен ұрпақтар байланысының айқын үлгісіне айналды.