Заң мен тәртіп идеологиясын насихаттау мақсатында еліміздің білім беру ұйымдарының оқушылары «Полиция және балалар – бірлескен қауіпсіздік жолында» атты бірыңғай мазмұндама жазу шарасына қатысты.
Бұл игі іске Жаяу Мұса атындағы Ақсу жоғары көпсалалы колледжінің студенттері де белсенді атсалысты. Колледжде полиция инспекторы, полиция майоры Асел Турсунгалиева жастармен кездесіп, құқық қорғау органдарының маңызды қызметі туралы айтып өтті.
Кездесу барысында ол қауіпсіздіктің – қоғамның басты құндылықтарының бірі екенін атап өтті.
Шабыттанған студенттер полицияның балалар өміріндегі рөлі мен өзара ынтымақтастықтың ортақ қауіпсіздік үшін маңызын ашып көрсететін мазмұндама жазуға кірісті.