17 қазан күні Жаяу Мұса атындағы Ақсу көпсалалы колледжінде Республика күніне арналған «Тарих білгірлері» интеллектуалды ойынының іріктеу кезеңі өтті.
Бұл жолы ойында энергетика және мәдениет пен спорт бөлімдерінің студенттері бақ сынады. Қазақстан тарихы бойынша білімдерін Э-125К, Э-125Ц, ТЭУ-125, Ф-125 және К-125 топтарының командалары көрсетті.
Әр команда төрт қатысушыдан құралды. Олар жоғары дайындық деңгейін, тапқырлық пен ұйымшылдықты танытты.
Іріктеу кезеңінің қорытындысы бойынша жартылай финалға келесі командалар өтті:
• ⚡ «Қазақ хандығының электриктері» (Э-125Ц тобы)
• 🦅 «Қыран» (Э-125К тобы)
• 🏆 «Физруки» (Ф-125 тобы)
Жартылай финалға өткен командаларды шын жүректен құттықтаймыз! Барлық қатысушыларға белсенділігі, тарихқа деген қызығушылығы және білімге ұмтылысы үшін алғыс айтамыз.
Іс-шараның ұйымдастырушылары – колледждің тарих және география пәнінің оқытушылары.