23 қыркүйектен 2 қазанға дейін Қазақстан бойынша Техникалық және кәсіптік білім күніне арналған ауқымды іс-шаралар марафоны бастау алды.
Марафонның басты мақсаты – ТжКБ-ның ел экономикасын дамытудағы зор үлесін айқындап қана қоймай, ең бастысы – жаңа буын мамандарға білім мен тәжірибесін күн сайын үйретіп жүрген аяулы ұстаздар мен өндірістік оқыту шеберлеріне шын жүректен «Рақмет!» айту.
Марафон бағдарламасы мазмұнға бай әрі алуан түрлі: студенттік челлендждер, шеберлік сабақтары, өндірістік оқыту шеберлерімен сұхбаттар, спорттық жарыстар, қайырымдылық акциялары және, әрине, жүрек жылуына толы ыстық құттықтаулар.
Марафонға алғашқы қадамды біздің Студенттік парламент жасады. Олар колледждің тату ұжымын ТжКБ күнімен құттықтап, баршаға шабыт, жаңа жетістіктер мен жарқын әсерлер тіледі.