Білім мен ізденісті ту еткен қоғамдық-гуманитарлық пәндер оқытушысы Алимбеков Бауыржан Шухратович республикалық «Үздік жас маман» байқауында топ жарып, I орынды иеленді!
Бұл беделді байқауға еліміздің түкпір-түкпірінен келген 98 жас педагог қатысып, екінші кезеңге өтті.
Байқаудың басты мақсаты – жас мамандардың кәсіби құзыреттілігін арттыру, педагогикалық тәжірибені насихаттау және білім саласындағы үздік бастамаларды қолдау болып табылады.
Бауыржан Шухратовичтің жеңісі – оның ізденімпаздығының, еңбексүйгіштігінің және ұстаздық жолға деген шынайы сүйіспеншілігінің айғағы. Ол білім берудің сапасын арттыруда, жастарды тәрбиелеуде жаңашылдық пен жауапкершілікті ұштастыра білетін нағыз ұстаз!
Әріптестері мен студенттері Бауыржан Шухратовичті зор қуанышпен құттықтап, шығармашылық табыс, биік белестер мен жаңа жеңістер тілейді!
