Жаяу Мұса атындағы Ақсу жоғары көпсалалы колледжінің студенттері Дмитрий Старицин мен Дмитрий Москалев Қытайдан жеңіспен оралды.
ERG Skills байқауында жеңімпаз атанған жігіттер қазақстандық делегацияның құрамында Шаньси провинциясында беделді халықаралық тағылымдамадан өтті.
Сондай-ақ делегаттар қатарында: оқу орнымыздың басшысы, ERG Колледж Альянсының төрайымы Алма Ермекқызы Айтуарова және өндірістік оқыту шебері Ерлан Нұрланұлы Бабыков.
Қытайда біздің студенттер «ERG Skills International» кәсіби шеберліктің халықаралық чемпионатында бақтарын сынауға мүмкіндік алды.
«Дәнекерлеу технологиялары» құзыреті бойынша Дмитрий Москалев және “Электр монтаждау және өнеркәсіптік автоматтандыру» мамандығы бойынша Дмитрий Старицин екінші орынға иеленді.
Халықаралық байқаудың жеңімпаздарына бүгін туған колледжінің қабырғасында құрмет көрсетілді. Жігіттер Қытайға сапардан алған әсерлерімен, тағылымдама қалай өткенімен бөлісті.
🎉Студенттерімізді өндірістік тәжірибені сәтті аяқтауларымен және халықаралық байқауда «күміс» алуларымен құттықтаймыз! Жаңа жеңістер, сапарлар мен әсерлер тілейміз!🎉