Жыл сайын өтетін «Гендерлік зорлық-зомбылыққа қарсы 16 күндік белсенділік» атты Халықаралық науқан биыл да қоғам назарын әйелдер мен балалардың құқықтарын қорғау мәселесіне аударды. 25 қараша күні елімізде ресми түрде «16 күн зорлықсыз» акциясы бастау алды.
Осы күні колледждің студент қыздары кез келген зорлықтың түріне төзбеушілік қалыптастыруға бағытталған шараларға белсенді қатысып, «Зорлыққа — жол жоқ!» деген өз ұстанымдарын айқын жеткізді.
Басталған акция аясында «Әйелдер мен балалардың құқықтарын қорғау» тақырыбында дөңгелек үстел өтті. Жиында зорлық-зомбылықтың алдын алу, құқықтық қолдау көрсету, сондай-ақ жәбірленушілерді қорғаудың тиімді тетіктерін дамыту мәселелері талқыланды.
Науқан шеңберіндегі іс-шаралар 10 желтоқсанға дейін жалғасады.