Қостанай қаласында ағымдағы жылдың 1-3 желтоқсаны аралығында Жоғары педагогикалық колледж базасында «Хореографиялық ұжымның жетекшісі» құзыреттілігінде WorldSkills стандарттары бойынша республикалық кәсіби шеберлік конкурсы өтті.
⠀
Конкурсқа жалпы басшылықты «Ақан сері атындағы жоғары мәдениет колледжі, Көкшетау қаласы» МКҚК жанындағы Республикалық оқу-әдістемелік бірлестік жүзеге асырды.
⠀
Үш күн бойы Қазақстанның 11 колледжінің студенттері үздік болу үшін бақ сынасты.
Конкурс 2 модульден тұрды:
✅станокта жаттығу комбинациясын құрастыру (жаттығулар жинағы). Жаттығу композициясы хореографияның үш бағытына негізделді: классикалық, халықтық, қазақша.
✅еріктілердің көмегімен би қою.
Колледж студенттері еріктілер болды, әр колледж конкурсқа 4 ерікті дайындады.
Павлодар облысының атынан Жаяу Мұса атындағы Ақсу жоғары көпсалалы колледжінің студенті Карина Нұржанова, сарапшы Алена Юрьевна Малыгина қатысты.
⠀
Конкурс қорытындысы бойынша Нұржанова Карина 3-ші орынды иеленіп, Павлодар облысының бәсекеге қабілетті мамандар даярлайтынын тағы бір дәлелдеді.