Колледжде білім мен белсенділікті ұштастырған ерекше шара өтті.
«Бірінші курс студенттерінің мектебі» жобасы аясында жаңа буын белсенділері студенттік парламент көшбасшыларымен жүздесті. Кездесудің басты мақсаты – тәжірибе алмасу, бірлікті нығайту және студенттік өзін-өзі басқарудың жаңа тынысын ашу.
Студенттік парламенттің президенті Рамина Молдабаева мен «Құқық және заң» фракциясының жетекшісі Айман Ибраева жас белсенділермен өз жолындағы жетістіктері мен сынақтары жайлы ой бөлісіп, көшбасшылықтың қыр-сырына тоқталды. Олар студенттік өмірдің мәні – жауапкершілік пен ынтымақ, ал нағыз белсенді болу – өз ортаңа үлгі болу екенін атап өтті.
Жастар арасында еркін пікір алмасу орнап, жаңа идеялар мен ынта-жігердің лебі сезілді. Әрбір қатысушы кездесуден рухани шабыт алып, студенттік өмірге жаңа көзқараспен қарауға мүмкіндік алды.