Студенттердің құқықтық сауаттылығын арттыру, жастардың заңға деген жауапкершілік көзқарасын қалыптастыру және құқық бұзушылықтардың алдын алу мақсатында колледжде «Мен және Заң» атты құқықтық сағат өткізілді.
Бірінші курс студенттерінің алдында Ақсу қаласы ПБ майоры, УИП ГЮП ОМПС Турсынғалиева А.К. сөз сөйледі.
Кездесу барысында дропперлік, алаяқтық мәселелері түсіндіріліп, дропперлікке қатысты жаңа заң талқыланды. Сондай-ақ, жастар арасындағы буллинг тақырыбына және оның алдын алу шараларына ерекше назар аударылды.
Іс-шара студенттердің құқықтық мәдениетін қалыптастыруға және заң алдындағы жеке жауапкершілігін арттыруға ықпал етті.