Жаяу Мұса атындағы Ақсу жоғары көпсалалы колледжінде үлкен концерт өтті. Дарынды студенттер мен оқытушылар сахнадағы көрермендерді таң қалдырды.
Мереке құрметіне колледж педагогтары мен қызметкерлері өздерінің лайықты марапаттарын алды. Олардың үздіктері облыстық кәсіподақтың, Павлодар облысының әкімі, Ақсу қаласы әкімінің, сондай-ақ ҚР Театр Қайраткерлері одағының төрағасы, ҚР Халық әртісі, Мемлекеттік сыйлықтың лауреаты, өнертану кандидаты, профессор Тұңғышбай Қадырұлы Жаманқұловтың құрмет грамоталарымен және алғыс хаттарымен марапатталды.
Сонымен қатар, республика күні қарсаңында біздің колледждің 20 студенті еліміздің ең ірі партиясы — «AMANAT» жастар қанатының қатарына қосылды. Осы студенттер оқудағы және қоғамдық істердегі еңбектерімен өздерінің Отанымыздың лайықты азаматтары екендіктерін дәлелдеді.
Студенттерге партиялық билеттерді «AMANAT» партиясы қоғамдық бірлестігінің Павлодар облысы Ақсу қалалық филиалының басшысы Бибігүл Хамидуллақызы Нұркенова табыс етті.
Сондай-ақ, бүгін мерекенің құрметті қонағы ЕЭК АҚ таланттарды дамыту жөніндегі менеджері Ирина Викторовна Ходырева болды. Ол колледждің әлеуметтік серіктесі атынан үш педагогқа алғыс хаттар табыс етті.
⠀
Естеріңізге сала кетейік, 25 қазан — еліміз үшін маңызды күн. 1990 жылғы 25 қазаннан бастап бүкіл әлемге егемендік туралы жариялай отырып, Қазақстан жаңа тәуелсіз мемлекет құра бастады. Бүгін біз мемлекеттің саяси және экономикалық салалардағы жетістіктерін, оның халықаралық аренадағы жетістіктерін мақтан тұтамыз.